Kryeministri Edi Rama zgjodhi të mos ishte i pranishëm sot në pritjen që deputetët e Kuvendit të Shqipërisë i bënë presidentes së re të Kosovës, Vjosa Osmani. Mungesa e Ramës ra në sy mes deputetëve në Kuvend, të cilët nuk e panë kryeministrin të përshëndeste në shtëpinë e politikës shqiptare, Osmanin, që është sot emri më i rëndësishëm i politikës në Kosovë, pas emërimit edhe si presidente.
Gjatë kohës që Osmani ishte në Kuvendin e Shqipërisë, kryeministri Edi Rama po përgatitej për një dalje live me Komitetin Teknik të Ekspertëve dhe Komitetin Shkencor të Pandemisë së Turqisë.
Ishte çështje prioriteti lënia pas “dore” e presidentes së Kosovës dhe fokusimi tek biseda me ekspertët turq? Më 16:30, kryeministri pritet të zhvillojë një takim zyrtar me të, në kryeministri, ku me siguri duhet të ketë edhe një ‘justifikim’ për mungesën sot në Parlament.
