Itali- Një çift shqiptarësh janë arrestuar nga policia italiane, pasi u kapën me 400 kg marijuanë me vlerë rreth 2 milionë euro.
Sipas mediave italiane bëhet fjalë për çiftin shqiptar Flamur dhe Teuta Gjini, të cilët e kishin fshehur lëndën narkotike në një magazinë në qendër të Noicattaro.
Operacioni ndodhi gjatë natës së kaluar dhe agjentët gjatë operacionit vunë re që gruaja u mundua të fshinte çelësat e magazinës në të brendshme. Kjo sjellje nuk u shpëtoi policëve të cilët, pas një kontrolli të hollësishëm të ndërtesave në zonë, arritën të zbulonin garazhin nëntokësor, jo shumë larg shtëpisë.
Policia sapo hyri në dhomë zbuluan mbi tridhjetë kuti, zakonisht të përdorura për ruajtjen e frutave, brenda të cilave ishin fshehur pako të shumta me lëndë narkotike. Ndërkohë autoritete kanë vendosur masën e sigurisë arrest me burg për Flamur Gjinin dhe arrest shtëpie për bashkëshorten e tij.
