Qeveria e Holandës ka lejuar Konkursin e Këngës së Eurovizionit për të pasur 3500 fansa të pranishëm si publik, për të parë nga afër festivalin e famshëm.
Festivali do të mbahet në Ahoy Arena të Roterdamit në maj, pasi u anulua vitin e kaluar.
Sipas planit, vendi do të jetë gjysmë i mbushur dhe fansat duhet të kenë një test negativ Covid përpara se të lejohen të hyjnë. Organizatorët e Eurovizionit e mirëpritën vendimin dhe thanë se do të jepnin më shumë detaje në javët e ardhshme. Ata theksuan se shëndeti dhe siguria e të pranishmëve mbetet përparësia e tyre kryesore dhe se të gjithë artistët dhe delegacionet e tyre do të ndjekin një protokoll të rreptë.
Pritet që vendimet përfundimtare për mënyrën e zhvillimit të Eurovizionit të konfirmohen në fund të muajit dhe numri i publikut mund të zvogëlohet përsëri nëse ka sërish një rritje të infeksioneve.
Eurovizioni do të zhvillohet nga data 18-22 maj. Vendi ynë do të përfaqësohet nga Anxhela Peristeri me këngën “Karma”.
