Ndonëse sporti nuk i ka nisur ende pushimet verore, Eva Murati përfiton nga rasti të shkëputet pak nga puna për të marrë disa rreze dielli kur mundet. Këtë herë është ndjekur edhe nga kamera e “Edicionit Veror” në Abc News. Duke dalë pak nga profili i zakonshëm i gazetares sportive, Eva ka rrëfyer edhe disa detaje të tjera nga jeta e saj, pasionet, dëshirat, por natyrisht edhe projektet që pret t’i realizojë shumë shpejt.
Duke ndarë me publikun shumë prej pyetjeve që i bëjnë ndjekësit e saj gjithmonë kureshtarë, Eva tha se vera është një kohë, të cilën ajo mezi e pret për relaksin që të fal. Kudo që të jetë, nëse është qetësi, gjithçka për të është në rregull. Por ajo mendon nga ana tjetër se në verë është më mirë të jesh single: “Epo vera është për single” – tha ajo me të qeshur pas pyetjes nëse në verë është më mirë të jesh në një lidhje apo të jesh single.
Pasi tregoi se muzika do të mbetet një pasion i saj që do t’i pëlqente ta provonte zyrtarisht, Eva zbuloi edhe të tjera projekte, të cilat pret t’i realizojë shumë shpejt në Itali.
“Momentalisht Zoti është duke më bekuar me projekte shumë të mira, më duket sikur po më shpërblen dhe po më vendos në momentin e duhur në vendin e duhur, kështu që pas projekteve që pata në Itali, kontratave zyratre me Yamamay dhe Carpisa, tashmë do të jem imazh i një tjetër brandi shumë të rëndësishëm atje që është Lavazza, kafja e famshme italiane. Shumë shpejt do të iki atje të zyrtarizoj kontratën, të bëj edhe një vizitë jo vetëm në fakrikën e kafes, por edhe në muzeun e tyre. Me zor po pres ta provoj si eksperiencë…”
Revista Class
