Fansat janë hedhur në mbrojtje të Lily-Rose Depp pasi ajo mori një breshëri komentesh urrejtjeje nga ndjekësit e Johnny për heshtjen e saj.
Vajza 22-vjeçare e Johnny Depp, i cili aktualisht është përfshirë në një betejë gjyqësore me ish-bashkëshorten Amber Heard, nuk ka postuar në rrjetet sociale që nga fillimi i gjyqit më 11 prill.
Fansat e aktorit të “Pirates of the Caribbean” komentuan në postimin e saj në Instagram më 9 prill për të kërkuar që ajo të thyente heshtjen për çështjen gjyqësore të babait të saj.
Johnny aktualisht është duke paditur Heard, 36, për një shkrim të Washington Post të vitit 2018 që ajo shkroi, në të cilin ajo etiketoi veten viktimë e dhunës seksuale.
Edhe pse aktorja e “Aquaman” nuk e përmendi Depp me emër në artikull, ai pretendon se kjo ia prishi reputacionin dhe karrierën.
“Ajo nuk të ka borxh asgjë dhe nuk ka nevojë të bëjë ASGJË… ndalo së ngacmuari atë”, komentoi një fans pasi njerëzit filluan të ngacmonin modelen me origjinë franceze, të cilën aktori e ndan me ish-Vanesa Paradis.
“Ne e dimë që ti e përkrah babain tënd, dhe jo gjithçka duhet të jetë kaq publike,” komentoi një tjetër, ndërsa një i tretë tha: “Johnny nuk do të donte që të gjithë të sulmonit vajzën e tij. Lëreni të qetë. Ajo nuk ka bërë asgjë për të merituar këtë gjë. Bëhuni njerëz më të mirë!”
Pavarësisht se nuk ka postuar kohët e fundit, Lily-Rose ka mbështetur më parë babanë e saj në një postim në Instagram të vitit 2016.
“Babai im është personi më i ëmbël, më i dashur që njoh, ai nuk ka qenë gjë tjetër veçse një baba i mrekullueshëm për mua dhe vëllain tim të vogël, dhe të gjithë ata që e njohin do të thoshin të njëjtën gjë,” shkroi ajo në një foto, e cila që atëherë është fshirë.
Gjyqi për shpifje filloi muajin e kaluar në Fairfax County, Va. Ambermori qëndrimin në fillim të këtij muaji pas disa javësh dëshmi nga anëtarët e familjes, ish-punonjësit dhe vetë Johnny.
