Ish-ministri i Mbrojtjes, Fatmir Mediu ka mbërritur ditën e sotme në SPAK, për të njohur me akuzën për ngjarjen e Gërdecit, pasi tashmë është marrë zyrtarisht i pandehur nga Prokuroria e Posaçme.
Pas 60 minutave në ambjentet e SPAK, Mediu para kamerave u shpreh se ishte e njëjta akuzë si në vitin 2009 dhe se ai është i pafajshëm.
“Dua t’ju bëj me dije që më është prezantuar i njëjti fashikull, e njëjta akuzë si në 2009, pa shtuar asnjë dokument dhe as provë shtesë, akuzë për shpërdorim detyre, kam kërkuar që të pyetem, nuk jam pyetur asnjëherë. Shpresoj që të merrem në pyetje. Motivi politik është në akuzë, nuk është urdhri i ministrit që ka provuar problemin, çdo letër që kam nxjerrë ka ardhur nga pjesa civile dhe ushtarake. Akuzën nuk e pranoj, jam i pafajshëm, demontimi është çështje sigurie kombëtare, kam si çdo qytetar, të pyetem për aktet e mia, nuk jam pyetur asnjëherë”, tha Mediu për mediat pas daljes nga SPAK.
