SHBA– FDA ka autorizuar (të premten me orën amerikane), vaksinën e dytë për të përballur COVID19. Moderna mori dritën jeshile, një jave pasi FDA miratoi Pfizer si vaksinën e parë, e cila tashmë ka nisur shpërndarjen. SHBA kanë dakordësuar një marrëveshje për të blerë 200 milion doza nga Moderna dhe gjashtë milion janë gati për t’u dërguar para fundit të 2020, shkruan BBC.
Komisioneri i FDA, Stephen Hahn tha se miratimi emergjent i vaksinës shënoi “një hap tjetër thelbësor në luftën kundër kësaj pandemie globale që po shkakton një numër të madh të shtrimeve në spital dhe vdekjeve në Shtetet e Bashkuara çdo ditë”.
Vaksina e Moderna-s është aprovuar nga FDA pasi ka kaluar një verifikim dhe sipas të dhënave është e sigurt dhe me një efikasitet 94%. Kjo vaksinë mund të ruhet në temperatura më pranë normales, krahasuar me Pfizer, që kërkon një temperaturë ruajtje minus 72 gradë C.
