Javën e parë të gushtit, për 4 ditë me radhë, Tirana do të mirëpresë “Sunny Hill Festival”. Lajmi që ka bërë bujë ditët e fundit edhe për shkak të anulimit të këtij eventi në Kosovë, ka gëzuar më së shumti Tiranën zyrtare. Pritet që fitimet nga ky event të kalojnë shifrën e 50 milionë eurove në ditë.
Sipas Dukagjin Lipës, themeluesi i këtij eventi, përfitimet e kryeqytetit shqiptar do të jenë të shumëfishta. Në festivalin e fundit të mbajtur në Prishtinë, sipas tij, janë gjeneruar 23 milionë euro vetëm për imazhin e vendit dhe, së paku, 10 milionë euro për ekonominë e Prishtinës.https://014856cbb858b864b9521a8e6a3fb801.safeframe.googlesyndication.com/safeframe/1-0-38/html/container.html
“50 për qind e pjesëmarrësve në ‘Sunny Hill Festival’, në çdo edicion kanë ardhur nga jashtë Kosovës, nga më shumë se 40 vende të ndryshme të botës, që do të thotë jo vetëm më tepër promovim për vendin, por edhe të ardhura plus për rezervimet e ndryshme të të huajve”.
Po cilat janë burimet më të mëdha të të ardhurave? Vetëm blerja e biletave nis nga 70 euro, për të shkuar deri në 250 euro për zonën VIP. Ashtu si në Kosovë, edhe Tirana pret një fluks të madh hyrjesh të pjesëmarrësve në ‘Sunny Hill Festival’, që jo vetëm do i japë një ‘boom’ promovimit të vendit, por do të ketë edhe përfitime ekonomike të mëdha.
Bizneset e vogla e të mesme dhe strukturat akomoduese pritet të përfitojnë më tepër, duke mos lënë pas destinacionet kulturore, por edhe bregdetin, i njohur si një nga vijat më të lakmuara në Europë. Përvoja e organizimit të finales së ‘Conference League’, tregoi se me rastin e ndeshjes, shumë të huaj erdhën para dhe qëndruan edhe disa ditë pas ndeshjes, kryesisht në qytetet në bregdet. Sipas informacioneve të publikuara në faqen zyrtare të organizatorëve, deri më tani ‘Sunny Hill Festival’ ka akumuluar më shumë se 300.000 euro dhe në vlera të vazhdueshme rritjeje, përgjatë tre viteve.
Në 2018-ën, ‘Sunny Hill Festival’ pati rreth 50.000 njerëz të pranishëm edhe nga vende të tjera të Europës. Në 2019-ën, kjo shifër arriti në 60.000, me të pranishëm jo vetëm nga Europa e rajoni, por edhe nga Zelanda e Re dhe Australia.
