Forcat RENEA kanë zhvilluar një aksion blic në fshatin Nikël të Fushë-Krujës. Mësohet se operacioni ka nisur mbrëmjen e djeshme.
Bëhet me dije se forcat elitë të Policisë së Shtetit kanë zbarkuar në Nikël dhe kanë ushtruar kontrolle në disa banesa të personave me rekorde kriminale. Janë kontrolluar 7 banesa, me vendim gjykate.
Pjesë e kontrollit kanë qenë banesat e Valter dhe Durim Bamit. Gjithashtu është kontrolluar edhe banesa e Ylli Çangu. Kontroll është ushtruar edhe në shtëpinë e Ervin Kodra, kushëriri i Durim Bamit. Në nëntor të vitit te kaluar Kodra i shpëtoi një atentati në fshatin Tapizë.
Kontrollet janë bërë për të siguruar prova të reja lidhur me ngjarjet e kaluara kriminale të pazbardhura. Ndërkohë, pas kontrollit në banesat nuk janë gjetur prova të reja apo sende te jashtëligjshme. Janë sekuestruar vetëm disa aparate celulare.
Sakaq, për disa orë Nikla ka qenë në shtetrrethim, e rrethuar nga forca të shumta.
