Stamboll- Mbrëmjen e kaluar një stuhi e fortë goditi metropolin turk Stambollin, duke shkaktuar dëme të mëdha në ndërtesa në çdo lagje të qytetit. Ashtu si në vendin tonë, edhe në Turqi moti i keq ka goditur vendin, me temperatura të ulta, rreshje të dendura shiu dhe stuhi.
Ndryshe nga përmbytjet në vendin tonë, Stambolli u godit nga stuhi me erë të fortë që shkatërroi çfarë i doli para, duke i dhënë qytetit pamjen e trishtë si pas një lufte.
Sipas raportimeve të CNN Turk stuhia nisi me shira të rrëmbyeshëm duke depërtuar në rrugë, ku bllokoi trafikun për disa orë. Siç shihet edhe nga pamjet, situata pas stuhisë duket e rënduar, me çati të shkatërruara, pemë të rrëzuara mbi makina dhe situatë kaotike në çdo lagje.
Përkthyer dhe përshtatur nga Alba News
