Vlorë- Orët e para të mëngjesit të sotëm një dyqan telefonash është bërë pjesë e një grabitje nga një person ende i paidentifikuar. Ngjarja ka ndodhur rreth orës 03:29 përball poliklinikës qendrore.
Një person i maskuar thyen derën dhe hyn në dyqan, ndërsa merr prej aty disa telefona celularë. I fiksuar edhe nga kamerat e sigurisë i riu me maskë covid, kapele dhe kapuç në kokë teksa tenton që të hapë derën e xhamit me një sqepar. Teksa tenton që të ushtrojë forcë ndaj derës, kjo e fundit thyhet e gjitha.
Duke qenë se shkaktohet zhurmë e madhe, hajduti hyn me shpejtësi në dyqan dhe merr prej aty disa telefona nga tavolina dhe më pas ikën. Aktualisht policia është vënë në kërkim për identifikimin e autorit.
