Pensionistët mund të tërheqin duke filluar nga sot deri më 31 dhjetor shpërblimet e fundvitit në masën 5000 lekë të reja.
Instituti i sigurimeve shoqërore bëri me dije se shpërndarja do të behet sipas një grafiku për të shmangur dyndjet dhe grumbullimin e turmave.
Ka qënë vetë kreu i ISSH-së, Astrit Hado, ai që ka dhënë detaje lidhur me mënyrën e procedimit duke dhënë datat se kur merret shpërblimi sipas kategorive. Nga bonusi i fundvitit do të përfitojnë 677 mijë qytetarë për të cilët qeveria ka akorduar një fond prej 34 milion dollarësh.
Sipas grafikut në datën 21 dhjetor (sot) do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1-2 dhjetor.
Ministrja e Financave Anila Denaj më herët do të deklaronte se shpërndarja e shpërblimit do të kryhej përmes formave tradicionale, në sportele dhe përmes postës në shtëpi.
