Një zyrtare e Shtëpisë së Bardhë pretendon se Vladimir Putin i bëri “një hile” Donald Trumpit në samitin e G20 më 2019.
Shefi i Kremlinit sipas saj, kishte marrë me vete një përkthyese shumë simpatike që të hutonte ish-presidentin amerikan.
Stephanie Grisham i bën këto pohime ne librin e saj të ri : “Do t’i përgjigjem tani pyetjes suaj, çfarë pashë tek Trumpi në Shtëpinë e Bardhë”.
Sipas saj, përkthyesja Daria Boyarskaya është shfaqur në shumë poza joshëse.
Vetë Grisham e përshkruan si një “brune mjaft tërheqëse, me flokë të gjatë, fytyrë të këndshme dhe një trup të mrekullueshëm”.
Ajo thotë se nuk ishte e vetmja që kishte dyshime se 36-vjeçarja ishte përzgjedhur nga Putini për t’i tërhequr vëmendjen Trumpit.
Zëdhënësi i Kremlinit, Dimitri Peskov i hodhi poshtë të tilla pretendime.
“Përkthyesit sigurohen nga ministria e jashtme me kërkesë të administratës presidenciale; Putini vetë nuk është i përfshirë dhe nuk ka asnjë lidhje me këtë proces”, – deklaroi Peskov.
