Qeveria franceze ka imponuar masa të reja “sanitare” për të ndaluar dhe kontrolluar valën e katërt të koronavirusit.
Qeveria franceze deklaroi që do të “riaktivizonte” një paketë masash sanitare për të ndihmuar stafin mjekësor të spitaleve franceze ndërsa ata përballen me valën e katërt të COVID-19. Ndërkohë zonat bregdetare të Francës dhe ishulli Mesdhetar i Korsikës kanë imponuar përdorimin e detyrueshëm të maskave në një përpjekje për të frenuar përhapjen e COVID-19 në rajonet rurale.
Për më tepër qeveria franceze vendosi që të rikthente bllokimet dhe kufizimet e orareve të natës dhe që përdorte forcat ushtarake për të furnizuar dhe ndihmuar spitalet e zonave rurale në jug të Francës dhe nëpër ishujt e saj si Korsika dhe Martinque.
Në një deklaratë zyrtarët e qeverisë shtuan që të gjithë punonjësit mjekësorë që do të punonin jashtë orareve të tyre do të shpërbleheshin. Ata gjithashtu premtuan kompensim për pushimet e paguara që stafi mjekësor nuk do të ishte në gjendje të merrte për shkak të presionit në punë.
Varianti Delta po vazhdon të përhapet në Francë duke detyruar qeverinë franceze që të rivendosë kufizimet dhe masat anti-COVID në një përpjekje për të shmangur krijimin e një situate kritike si ajo që ndodhi në Indi.
