GJIROKASTËR– Personi që po shikoni në foto është Brdhi Proda, drejtuesi i forgonit tip ‘Ford’ që u aksidentua mesditën e sotme në Qafë Muzinë, duke shënuar pesë viktima. Fotoja është publikuar nga Balkanweb, ku raportohet se Proda është shofer i linjës Sarandë-Tiranë dhe ka shumë vite eksperiencë në këtë profesion.
Edhe sot, si çdo herë tjetër, shoferi 51-vjeçar u nis nga Saranda për në kryeqytet, por rruga iu pre nga një fuoristradë “Land Rover”. Kjo e fundit drejtohej nga një grua, e cila ka qenë duke ecur me shpejtësi dhe është futur në parakalim të gabuar në kthesë. Për pasojë është përplasur me furgonin dhe mjeti me pasagjerë ka përfunduar në greminë, duke shkaktuar pesë humbje jetësh.
Mes viktimave është edhe shoferi Proda, i cili la pas tre fëmijë. Katër të tjerët janë një dy burra dhe dy gra, por ende nuk dihen detaje të tjera për ta. Nga ngjarja tragjike kanë mbetur të plagosur edhe tre persona, një prej të cilëve është në gjendje të rëndë për jetën.
