Babai i aktorit të humorit, Gentian Zenelaj ka humbur betejën me koronavirusin. Lajmin e trishtë e ka dhënë vetë Zenelaj, i cili thotë se beteja e babait të tij, Rexhep Zenelaj ishte e gjatë dhe e vështirë.
Teksa falënderon çdokënd për ngushëllimet, Gentiani njofton se ceremonia e varrimit do të bëhet në orën 13:00, në Shëngjin.
“Me hidhërim të thellë njoftoj ndarjen sot nga jeta të babait tim Rexhep Zenelaj, pas një beteje të gjatë me Covid 19. Ju falenderoj nga zemra për çdo mendim dhe ngushëllim që kam marrë nga ju. Zoti ju Bekoftë.
Varrimi zhvillohet nesër në orën 13 :00 në Shëngjin”, njofton Gentiani.
