Partnerja e Cristiano Ronaldos, Georgina Rodriguez, ka zbuluar se emrin e vajzës së tyre të porsalindur, disa ditë pasi ajo erdhi në jetë. Çifti e kanë quajtur vajzën Bella Esmeralda. Georgina Rodriguez postoi një foto të vogëlushes në krevatin e saj, ku duket e buzëqeshur dhe disa shkrepje të tjera.
“Bella Esmeralda, 180422″, ka shkruar Rodriguez në mbishkrimin e fotos, bashkë me një zemër të gjelbër.
Postimi ka marrë miliona pëlqime në vetëm pak orë. Ronaldo dhe partnerja dhanë lajmin e trishtë pak ditë më parë, se binjaku mashkull i Bella-s vdiq gjatë lindjes më 18 prill, por theksuan se lindja e vajzës së tyre u jepte forcë në atë moment të vështirë. Ronaldo ka edhe një vajzë 4-vjeçare me Rodriguez, si dhe tre fëmijë të tjerë.
