TIRANË– Gerti Selimaj është 47-vjeçari i shpallur në kërkim ditën e sotme për një vrasje që ka kryer 23-vite më parë. Selimaj është autor i vrasjes së dy vëllezërve Beqir dhe Elmaz Hasho, në lagjen ‘Pavarësia’ në Vlorë në vitin 1998.
NGJARJA NË VLORË
Gjithcka ka ndodhur me 22 nëntor të vitit 1998 në lagjen “Pavarësia”, në Vlorë.Një i afërm i Gerti Selimajt mbeti i plagosur në vitin 1998 në Vlorë.Të dy vëllezërit e dërguan në spital të plagosurin, por akoma nuk dihet se si nisi ngjarja.Në spital ka shkuar edhe i afërmi i të plagosurit, Gerti Selimaj, i cili u ka kërkuar llogari vëllezërve për një armë që ishte zhdukur nga vendngjarja.Ata janë përplasur në ambientet e spitalit dhe më pas Selimaj ka vrarë me armë zjarri dy vëllezërit Hasho. Selimaj është shpallur në kërkim ndërkombëtar, pasi Gjykata e Shkallës së Parë Vlorë i ka caktuar masën e sigurimit “Arrest në burg” për vrasje me paramendim dhe armëmbajtje pa leje.
NGJARJA NË ITALI
Mirëpo Selimaj nuk është autor i këtyre dy vrasjeve. Ai është dënuar në Itali së bashku me vëllain e tij, Altin Selimaj pasi kanë therur me thikë një shqiptar, ngjarje kjo e ndodhur në vitin 2015. Dy vëllezërit Selimaj u identifikuan falë filmimeve të telekamerave në vendin, ku ndodhi plagosja. Pas arrestimit dy vëllezërit Selimaj u dërguan në Burgun e Tarantos në pritje të gjyqit.
Gerti Selimaj 47-vjeç është autori i ngjarjes tashmë i shpallur në kërkim për të cilin Gjykata e Shkallës së Parë Vlorë i ka caktuar masën e sigurimit “Arrest në burg” për kryerjen e veprave penale “Vrasja me paramendim” dhe “Armëmbajtja pa leje”.
