Damian Gjiknuri, koordinatori i Partisë Socialiste për qarkun e Vlorës, ka thënë se e priste që të ishte i shtati në listën e kandidatëve për deputetë në zgjedhjet e 25 Prillit. I ftuar në “Zonë e Lirë” në Tv Klan, Gjiknuri u shpreh se e ka ditur me kohë që do renditej i shtati pasi ka qenë një strategji që është diskutuar edhe më herët me Edi Ramën.
“E prisja se ishte një strategji që e kemi diskutuar me Ramën. I teti Rama i shtati unë që të jemi si shtytësit për 8 mandate në Vlorë, pasi minimalja që ne kërkojmë më Vlorë është 8 mandate. Linja e mbrojtjes është 8 mandate dhe synojmë që të marrin 9 mandate, por kjo do shumë punë”, – u shpreh ai.
Gjiknuri u pyet edhe për debatin mes Lelit dhe Ramës.
“Nuk është tema kjo, nuk është përjashtuar Dritan Leli nga partia por nga fushata. Nuk është tema kjo për ta diskutuar, ne mendojmë që i bëjmë mirë edhe atij, edhe Vlorës që të ishte mirë në pjesën e ekipit”, tha Damian Gjiknuri.
