Nga data 5-9 tetor është regjistruar numri më i lartë i nxënësve dhe mësuesve të prekur me COVID- në shkolla. Në grafikun që Report Tv sjell vihet se së në këtë periudhë katër ditore janë regjistruar 152 nxënës pozitiv dhe 198 mësues. Më pas kurba e infektimit ka pasur një ulje të lehtë nga fundi i muajit, por më pas ka mësuar sërish një ngjitje fundi i nëntorit. Dhjetori ka shënuar më pak raste mësues e nxënës të infektuar.
Një gjë e tillë, sipas prefektit të Tiranës, Toni Gogu vërteton që nuk ka pasur vatra infeksioni në shkolla
“Kjo sipas përfaqësuesve të ZVAP-ve është një fakt se hapja e shkollave nuk ndikon në përhapjen e virusit. Në përfundim të gjithë drejtuesit u zotuan se jemi në kushte ku mund të vijojmë normalisht procesin mësimor e madje deri në mbylljen e vitit shkollor”, tha Gogu.
Ai ka bërë me dije se ka nisur testimi i shpejtë te mësuesit që sjell edhe zgjidhjen e zëvendësimit apo mungesës së tyre në shkolla.
“Një nga shqetësimet që ka krijuar pandemia në arsim është ajo e mungesës së mësuesve, të cilët karantinohen deri në marrjen e përgjigjes së tamponit. Në takimin e organizuar nga Prefekti i Qarkut Tiranë, përfaqësues të Institutit të Shëndetit Publik deklaruan se për mësuesit dhe punonjësit e sistemit shëndetësor ka nisur aplikimi i testeve të shpejta, përgjigja e të cilëve del për vetëm 15 minuta, dhe kështu bëhet e mundur zgjidhja e mungesës së mësuesve në shkolla”, tha Gogu.
Në fund, Gogu tha se po bëhen përpjekje për të gjetur një zgjidhje për problemin e internetit për disa nxënës që të zhvillojnë mësimin online.
“Ajo çka u konstatua si problem në aplikimin e mësimit online ishte vështirësia e aksesit në internet për shkolla që ndodhen në territore të largëta, ndaj menjëherë Prefekti i Qarkut Tiranë u vu në kontakt me AKEP dhe operatorët e internetit për të referuar këtë problematikë dhe për të gjetur një zgjidhje sa më shpejt”, përfundoi Gogu.
