Kakavijë- Drejtoria Vendore e Kufirit dhe Migracionit Gjirokastër deklarojnë se për 24 orë, nga data 17 shkurt deri më 18 nuk do të lejohet kalimit në Kakavijë.
Përmes një njoftimi zyrtar që i kanë dërguar Policisë Kufitare Kakavijë ,Autoritetet e Policisë greke sqarojnë se për shkak të grevës që do të zhvillohet nga punonjësit e doganës greke, do të ketë një ndërprerje të punës, duke filluar nga dita e nesërme, datë 17 shkurt, ora lokale greke 07:00 deri në orën 07:00 të datës 18 shkurt.
Bëhet me dije se si në hyrje dhe në dalje të doganës greke, nuk do të lejohet kalimi i automjeteve, motoçikletave, autoveturave, furgonëve që transportojnë qytetarë dhe kamionëve që transportojnë mallra.
Përjashtim do të ketë vetëm për udhëtarët këmbësorë, kamionët që transportojnë mallra ushqimore që ruhen në kushte frigoriferike, kamionët që transportojnë kafshët e gjalla, medikamente dhe automjetet për raste emergjente.
