Deputetja Rudina Hajdari gjatë fjalës së saj në Kuvend, deklaroi se klasa politike që udhëheq vendin, por edhe ajo që kërkon të vijë në politikë nuk e duan integrimin e vendit drejt BE-së.
Hajdari me tonë të ashpra madje sulmoi edhe kreun e PD-së, ku tha se ndaj saj është hedhur vrer dhe baltë vetëm për faktin se nuk dogji mandatin. Ajo shtoi më tej se Ramës i pëlqen ideja të qendrojë si sulltan dhe se Basha që synon të vijë në pushtet është një lider me tipare rusë, i cili eliminon çdo kundërshtar.
Pse sepse klasa politike nuk e do intergimin. Imagjinoni pak Edi Ramën, Lulzim Bashën Ilir Metën, të përballen me ligjin, ku gjyqësori do të ishte i pavarur dhe të guxonte të hetonte politikën.
Nëse arrihen këto atëherë ne do të arrijmë të imagjinojmë përfundimin e procesit të integrimit Europian. Jam një nga ato persona që jam sulmuar më shumë në Shqipëri, më është hedhur kaq shumë baltë dhe vrer kur vendosa të mos e djeg mandatin.
Qendrova në këtë kuvend punova fort aq sa munda, që ne të ecim para në procesin e integrimit. E di që kjo nuk mjafton, por duhet vullneti politik i të gjithë klasës politike që vendi të ecë para.
Më lejoni të them që ky vullnet nuk ekziston, këtij që është sot në pushtet i pëlqen ideja të qendrojë si sulltan. Ai që qendron jashtë që do të bëhet kryeministër i pëlqen modeli rus i qeverisjes, pasi eliminon të gjithë bashkëpunëtor që japin gjak e vlerë PD, ai i shpall armiq deri në vdekje do të sundojë edhe nëse selia e tij kthehet në një barake. Nuk e duan intergimin sepse është më shumë fuqi për gjyqësorin, për drejtësinë, këta nuk e duan procesin e integrimit sepse e kanë në plan të grabisin çdo pronë më vlerë në këtë vend. E pasi ta bëjnë të gjithë këta me plaçkën e vjedhur do të jetojnë në një vend tjetër.’- tha Hajadari.
