Fier- Në tentativën për grabitjeje mbrëmjen e kaluar në Roskovec ka mbetur i plagosur me armë zjarri një 40- vjeçar.
Ngjarja ndodhi rreth orës 20:20, ku persona të paidentifikuar kanë shkuar për të vjedhur në banesën e shtetasit Arben Çepele, rreth 65 vjeç, por janë pikasur nga pronari dhe kushëriri i tij. Autorët kanë qëlluar me armë zjarri në drejtim të dy kushërinjve dhe për pasojë ka mbetur i plagosur kushëriri i pronarit të shtëpisë, me të njëjtin emër Arben Çepele, rreth 40 vjeç, i cili u shoqërua në spitalin e Fierit ku ndodhet në rreezik për jetën pasi plumbin e mori në këmbë, ku i ka prekur arterien kryesore.
Mësohet se të dy ishin ne lokalin e 40-vjeçarit kur 65-vjecari që kishte kamera sigurie në shtëpi pa rastësisht nga mbikëqyrja përmes telefonit disa persona rreth shtëpisë. Më pas shkuan dhe u përballën me grabitësit, ku për pasojë njëri prej tyre mbeti i plagosur nga plumbat.
Kjo është hera e dytë që tentohet të grabitet 65-vjeçari, i cili duket se ka gjendje të mirë ekonomike, pasi ka djalin emigrant në Angli.
