Tre persona janë arrestuar në Itali për aksidentin e së dielës me teleferik, ku 14 persona humbën jetën.
Hetuesit thonë se frenat e urgjencës ishin çaktivizuar dhe tre anëtarët e kompanisë operative ishin të vetëdijshëm për këtë fakt. Prokurorët po kryejnë një hetim për neglizhencë të dyshuar dhe vrasje të pavullnetshme.
Tre të dyshuarit janë identifikuar si pronari, drejtori dhe shefi i operacioneve të kompanisë që menaxhonte teleferikun.
AFP raporton se prokurorja Olimpia Bossi tha në një konferencë shtypi se ishte ndërhyrë në frena me një “akt të vetëdijshëm” dhe sugjeroi se teleferiku ishte i pasigurt.
Sipas gazetës italiane Corriere della Sera, prokurorja pretendoi se një kapëse e ngjashme me pirunin ishte vendosur mbi frenin e urgjencës, i cili kishte pasur probleme, pasi puna e riparimit ishte e pasuksesshme.
“Është aplikuar për të shmangur ndërprerjet dhe bllokimet e vazhdueshme të teleferikut,” tha ajo, duke shtuar se të dyshuarit kishin besuar se kablli nuk do të prishej kurrë.
Sipas gazetës, hetuesit fillimisht kishin besuar se kapësja ishte lënë në vend gabimisht.
Teleferiku u rihap pas bllokimit një muaj më parë dhe gjatë kësaj kohe janë bërë shumë udhëtime dhe shumë njerëz janë rrezikuar.
