Dy ditë më parë, në burgun e Drenovës kanë humbur një palë gërshërë që përdorin infermierët për nevojat e të burgosurve. Gjithçka ka nisur pas humbjes së një palë gërshërëve kur në shërbim ka qenë një infermier nga Korça i cili pretendon se i ka lënë gërshërët në infermieria, por kur është bërë inventari ato mungonin. Ato mendohet se mund t’i ketë marrë një nga të dënuarit e rrezikshëm që vuan dënimin aty, Klement Ibrahimi.
Në këtë burg ndodhet i penduari i drejtësisë Lefter Reçi, i cili ka dëshmuar kundër dy personazheve të njohur të botës së krimit, të dënuar më parë, Emiljano Shullazi dhe Lul Berisha. Dyshimet janë se këtij personi dhe të tjerëve mund t’u rrezikohet jeta brenda në burg. Ndërkohë po hetohet lidhur me këtë ngjarje, ku pritet të vëzhgohen edhe kamerat e sigurisë për të parë se si kanë humbur gërshërët.
