Një 65-vjeçar është arrestuar në Kavajë teksa mbante me vete një armë zjarri pistoletë me silenciator. Personi i ndaluar është dënuar në Itali për përndjekje. Në cilësinë e provës materiale, është sekuestruar një armë zjarri me silenciator dhe municion luftarak.
Ndalimi i 65-vjeçarit është kryer pas informacioneve se lëvizte me armë me vete. Ndaj tij është ngritur akuza e “Mbajtjes pa lejë të armëve dhe municioneve”.
