Në Post Big Brother VIP, Ilir Shaqiri ka folur për çastet e para jashtë shtëpisë së famshme në Shqipëri. Balerini i njohur u shpreh se momenti që shkatërroi gjithçka kishte menduar ishte kur nuk pa vajzën në emision duke e pritur, pasi kishte rezultuar pozitive me Covid.
Ndërsa për finalen me Donaldin, Iliri tregoi edhe fjalët që ai i tha pas fitores.
“Po kërkoja Emilyn. Nuk kam pasur mundësi të dal shumë, vetëm për t’i bërë tamponin Emanuelës, se do ikte në Itali. Kemi takuar njerëz, edhe në aeroport, aeroporti desh fluturoi me gjithë avionin. Ti na ke thënë shumë herë që kjo gjë ka arritur çdo pritshmëri, por që të arrinte në këtë pritshmëri, nuk e kisha menduar kurrë. Unë kam ardhur me një mision për veten. Këto 4 muaj e gjysmë kam bërë e thënë ato që kam dashur dhe kjo u ka arritur njerëzve shumë qartë, shumë shqeto. Duke arritur në finale, arrita objektivin tim. Tek nata finale, ajo që më dha qetësi është se arrihet ajo që ke parashikuar, se rivalitetin me Donaldin e kam parë dhe dashur që në fillim” – tha më tej Iliri.
Por natën finale, Iliri dhe Donaldi e shijuan pafundësisht atë që ishte bota e surprizave. “Fjalët që Donaldi më tha ishin “e ndjeva” dhe “e meritove”.
