Tiranë- Në seancën e sotme plenare, ministrja e drejtësisë, Etilda Gjonaj dhe deputeti, Lefter Maliqi kanë debatuar në lidhje me situatën aktuale në burgje. Sipas Maliqit reforma po abuzohet me tenderat në burgje dhe grevat vijojnë duke u përkeqësuar.
Gjonaj nga ana tjetër në fjalën e saj u shpreh se vitin tjetër do të mbyllet burgu i Zaharisë, nisur edhe nga regjimi ’41-Bis’.
Fjala e plotë e Etilda Gjonajt:
Që kur kur mora detyrën, gjendja e burgjeve, trajtimi i stafit, gjendja e burgjeve është ndryshuar. Prej vitit 2017 ka pasur ndryshim rrenjësor në burgjet. Pa dyshim kemi ende punë për të qenë aty ku synojmë, por në këto tre vite kemi bërë një ndryshim rrënjësor. Kemi bërë shumë për zbatimin e sigurisë në burgje. Qeveria ka pasur prioritet luftën ndaj krimit. Numri i stafit është rritur me 23%. Qeveria rriti për herë të parë pas 10 vitesh pagën e punës. Qëllimi im ka qenë barazimi i rrogës së punonjësve. Pagat janë rritur me 11% në total. Punonjësit kanë një trajtim më të mirë. Ne u kemi dhënë fund padrejtësive. Kemi mundur të ulim kapacitetin dhe mbipopullimin e burgjeve ne 21%. Arritëm të menaxhojmë situatën e tërmetit dhe pandemisë së Covid-19, që po e menaxhojmë më së miri dhe numrat e të prekurve kanë qenë një numër shumë të ulët. I dënuari sot komunikon me nëpërmjet skyppit të flasin me familjet. Për tre vjet 937 kallëzime penale, 295 punonjës të burgjeve për futjen e sendeve të palejuara në burg. Kjo ka ndodhur sepse ligji është aty për gjithë. Për herë të parë u aplikua një regjim i mbikëqyrjes së veçantë. 110 të dënuar që kanë thyer rëndë që kanë thyer sigurinë dhe rendi në Burgje janë ndëshkuar. Punësimet e të punonjësve sipas preferencave partiake dhe pa praktikë nuk është më. Stafi u pajis sot me uniformë ku u plotësuan në masën 80%. Sot falë ligjeve të reja punonjësit kanë një trajtim më të mirë, me grada dhe trajtim profesional. Drejtoria e Burgjeve ka arritur të fitojë 60% të proceseve gjyqësore. Ka ende shumë për të bërë, por siç është rasti i Zaharisë në Krujë. po marrim masat që të mbyllim Zaharinë në Krujë pas 30 vjetësh. Shqetësim ka qenë dhe greva në burgun e Peqinit, që filloi nga 41-bis. Përvec një hetimi që po kryhet nga një procedim në prokurori për të hetuar me kërkesën time këtë gjë”.
