Ne do të bëjmë një revolucion digjital dhe që nga shtatori 2022 të gjithë fëmijët shqiptarë do të studiojnë me detyrim anglishten që nga klasa e parë”, thotë kryeministri Edi Rama, për “La Repubblica”
Në mandatin e tretë radhazi, Partia e tij Socialiste fitoi 74 nga 140 vende.
“Italia është partneri ynë kryesor, por unë do të doja të shihja më shumë investime në sasi dhe mbi të gjitha në cilësi”, shprehet Rama
Pjesë nga intervista:
A do të qeverisë me mbështetjen e socialdemokratëve të Tom Doshit, i regjistruar në listën e zezë të SHBA-së për korrupsion?
“Ne kemi fituar një shumicë absolute, kështu që nuk kemi nevojë për mbështetje. Ndoshta mund të kishim një diferencë më të madhe, por këtë herë Shqipëria votoi me një sistem të ri zgjedhor, me lista dhe preferenca gjysmë të hapura dhe kishte shumë vota të pavlefshme. Shumë njerëz nuk kuptuan se si të votonin, ata na zgjodhën ne si parti, por u dhanë përparësi kandidatëve të tjerë dhe vota iu quajt e pavlefshme”, thotë Rama.
Opozita ju akuzon për mashtrim dhe shitblerje të votave?
“Këtë herë kemi pasur katër ose pesë sondazhe dhe ndryshe nga e kaluara, të gjitha ishin në përputhje me rezultatin. “Piepoli” ia qëlloi tamam, por dhe anketuesit grekë që punuan për Euronews Albania patën paralajmëruar rezultatin. Raporti paraprak i OSBE-së është pozitiv dhe e gjithë bashkësia ndërkombëtare përmes përfaqësimeve të ndryshme ka ndjekur dhe konfirmuar rregullsinë e zgjedhjeve”, thotë Rama.
Gjithashtu kryeministri thotë për “La Republicua” se opozita duhet të reflektojë dhe se janë zgjedhjet e disata të cilat i ka humbur.
Po ashtu ai thekson se Partia Demokratike është përqendruar tek akuzat dhe kjo sipas tij e bën atë humbëse zgjedhje pas zgjedhjesh.
“Fatkeqësisht, opozita nuk është në gjendje të dalë nga ky qëndrim, që e bën që ajo të humbë zgjedhje pas zgjedhjesh. Janë zgjedhjet e pesta radhazi dhe ata ende nuk arrijnë të kuptojnë: Në vend që të reflektojnë mbi veten e tyre, ata përqendrohen në konfrontim dhe akuza kundër nesh”, thekson ai, ndërsa shton: “Këto zgjedhje japin një mesazh, kur e majta moderne është e organizuar mirë, është po aq e pamposhtur sa Interi i Mourinhos”,përfundon Rama.
