Java ka nisur në mënyrën më të keqe të mundshme për Charles Leclerc. Pilotit të Ferrarit i kanë vjedhur orën e tij shumë të shtrenjtë në një fshat pranë Livornos, në Itali. Bëhet fjalë për një orë Richard Mille 67-02 të personalizuar, që kushtonte 300 000 euro.
Piloti nga Monako ishte i shoqëruar nga trajneri i tij personal, Andrea Ferrari, kur një fans iu afrua për të bërë foto. Befas, ai i mori nga dora orën luksoze dhe iku me vrap.
Leclerc njoftoi policinë dhe ngjarja është duke u hetuar. Sigurisht, jo mënyra e duhur për të përgatitur garën e radhës në F1, që do të zhvillohet në Imola.
