Gjermani- Kufijtë gjerman me Çekinë dhe rajonin austriak Tirol do të mbyllen, ky është vendimi i fundit i qeverisë gjermane pasi të dyja këto zona kanë norma të larta infektimi të varianteve ngjitëse të COVID-19.
Këto masa që kanë si qëllim izolimin total të vendit do të hyjnë në fuqi të dielën në mbrëmje, me disa përjashtime që janë ende në diskutim.
Këto dy zona janë specifikuar të tilla pasi do të klasifikohen nga shteti Gjerman në listën e territoreve shumë të prekura nga mutacionet e virusit, listë kjo ku bëjnë pjesë vendet si: Britania, Afrika e Jugut, Brazili dhe Portugalia.
Pra, udhëtarët që vijnë nga zona të caktuara të Austrisë ose Republikës Çeke do të duhet të japin rezultatet negative të testit të koronavirusit për të hyrë në Gjermani. Siç thuhet më tej, nuk është e qartë për sa kohë do të zgjasin kontrollet kufitare.
