Jada Pinkett Smith ka zbuluar së fundmi se si këshilla e mamasë së saj Adrienne Banfield-Noris i shpëtoi jetën në Itali.
Episodi i kësaj jave të Red Table Talk trajton marrëdhëniet nënë-bijë, ndërsa e ftuara Kelly McDaniel, autore e Mother Hunger, bashkohet me Jadën, vajzën e saj Willow Smith dhe Banfield-Norris për një diskutim emocional.
Në një klip të ndarë ekskluzivisht me PEOPLE, Smith, kujton se ishte në Itali e vetme kur ishte 20 vjeçe dhe se si i telefonoi nënës së saj për të pyetur nëse ajo duhet të pranonte një ftesë në varkën e një të huaji. Kur u përmend historia, Banfield buzëqeshi dhe tundi kokën, duke rënë dakord që ajo e mbante mend incidentin.
“Të kujtohet kur një shofer i dikujt më tha: “Kam një varkë, dua të të nxjerr për darkë”? Në atë momente mendova: “Oh, unë jam në Itali! Unë jam 20 vjeç, e dini çfarë jam duke thënë?” thotë Jada duke qeshur. “Kështu që mora në telefon nënën time. I thashë: “Mami, një djalë dëshiron të më marrë në këtë varkë”. Ajo tha, “Epo, së pari, nëse ai ka një varkë, çfarë po bën duke parkuar makinat? Dhe së dyti, ti nuk do të hypësh në asnjë varkë me askënd.”
Ajo vazhdoi me këshillën e nënës së saj, “”Nëse diçka të ndodh, askush nuk do të të dëgjojë. Do të jesh në mes të askundit”. Dhe unë i thashë, ‘Po, mami, ke të drejtë.’ ”
“Dhe më lejoni t’ju them,” shtoi aktorja, “sepse isha gati të hipja në atë varkë. Gjithçka që di është se mund të isha trafikuar. Sepse ata e dinin që isha vetëm. Unë mendoj se ajo atë ditë më shpëtoi përsëri jetën.’ ”
Gjithashtu në këtë episod, i cili titullohet “Si nënat kritikuese i dëmtojnë vajzat e tyre: mund të jesh ti?”, Jada kujton fëmijërinë e saj, duke thënë: “Më duhej të merresha me shumë gjëra stresuese të të rriturve në moshë të re. Nuk kisha aftësinë për t’u përballur me emocionet që po vinin me të. Thjesht më duhej të tërhiqesha.”
“Pra, ato gra që i shihni dhe që mendoni se janë kaq të forta, brenda tyre është kjo vajzë e vogël e tmerruar . Dhe kjo jam unë,” shtoi Pinkett.
