Hagë- Ish-kryeparlamentari i Kosovës, Jakup Krasniqi, ka dalë sot para bankës së të akuzuarit në Gjykatën e Hagës, në rolin e ish-zëdhënësit të UÇK-së. Po ditën e sotme para trupit gjykues do të dal edhe Hashim Thaçi në gjykatën e Hagës.
Teksa janë publikuar edhe pamjet e para nga gjykata e Hagës ku iu lexuan akuzat, Kasniqi është prezantuar para togës së zezë. Ai foli shumë qartë dhe shumë shkurt se ishte kosovar.
Prezantimi:
Unë jam Jakup Krasniqi.
Data e lindjes dhe vendi?
1951. Kosovar
E kuptoni gjuhën shqipe?
E flas dhe e kuptoj mirë gjuhën shqipe.
Zoti Krasniqi më konfirmoni nëse e keni marrë aktakuzën e datës 4?
Po e kam marrë. Një pjesë të saj e kam marrë në 4 nëntor 2020. Edhe në burgun e Hagës kam marrë një aktakuzë të korrigjuar. Është në gjuhën shqipe, e kam lexuar mirë dhe e kam kuptuar mirë.
Aktakuza kundër Jakup Krasniqit u konfirmua më 26 tetor 2020, ndërkohë që ai u arrestua nga Zyra e Prokurorit të Specializuar më 4 nëntor dhe u transferua në objektin e paraburgimit të Dhomave të Specializuara të Kosovës (DHSK) në Hagë në të njëjtën ditë.
