Shtetet e Bashkuara, Japonia dhe Australia do të financojnë bashkërisht krijimin e një rrjeti 5G në Paqësorin Jugor për të kundërshtuar ndikimin në rritje të Kinës në rajon dhe për të parandaluar monopolizimin e infrastrukturës kritike nga Pekini, raportoi Kyodo të hënën, duke cituar burime të fshehta për çështjen.
Të dielën, të tre vendet shpalosën planet për të ndërtuar një kabllo nënujore për të rritur aksesin në internet në vendet ishullore të Paqësorit, Mikronezi, Nauru dhe Kiribati.
“Historikisht, ne kemi një marrëdhënie të thellë me kombet ishullore të Paqësorit, me të cilët ndajmë vlerat e demokracisë. Ne duhet të shmangim një situatë në të cilën demokracia kërcënohet nga kontrolli i Kinës mbi rrjetet tona të telekomunikacionit “, citohet të ketë thënë burimi nga Kyodo.
Digicel Group, një ofrues ndërkombëtar i komunikimeve me bazë në Xhamajka, do të jetë përgjegjës për zbatimin e projektit trepalësh të zhvillimit të rrjetit 5G, sipas Kyodo. Në tetor, Telstra e Australisë pritej të merrte operacionet e Digicel në Paqësor pas raportimeve që një firmë kineze po kërkonte ta blinte atë, thuhet në lajme.
Qeveria australiane thuhet se do të financojë pjesën më të madhe të blerjes prej 1.6 miliardë dollarësh, ndërsa Japonia dhe SHBA do të kontribuojnë në operacionet e biznesit përmes partneriteteve publiko-private. Si palë e marrëveshjes, Japonia do të sigurojë pajisje të avancuara për 5G, tha Kyodo.
Ky është projekti i dytë i inicuar nga SHBA për të kundërshtuar Kinën, fillimisht me një ‘ndihmë’ të Britanisë së Madhe dhe Australisë në paktin AUKUS së fundmi me tentativën e dytë për të kundërshtuar Kinën në bashkëpunim me Japoninë dhe sërish Australinë.
