Tiranë- Kreu i Partisë Demokatike, Lulzim Basha ka qenë i ftuar këtë mëngjes në emisionin “ABC e mëngjesit” në ABC News ka deklaruar se brenda ditës së sotme do të dorëzoj tek SPAK një padi për inceneratorët.
“Brenda ditës së sotme në SPAK do të dorëzohet një padi për inceneratorët. Një shumë e madhe e parave kanë shkuar te inceneratorët. Kjo është arsyeja pse çështja e inceneratorëve ka dominuar diskursin tonë politik. Nuk erdhëm rastësisht këtu. Qeveria nuk ia ka dhënë këto para qytetarëve por inceneratorëve. Vetëm javën e kaluar janë paguar 2 milion euro, që mund t’u jepeshin qindra familjeve të varfra, mijëra pensionistëve “- u shpreh Basha.
