Ben Affleck u përball me reagime të ashpra online për intervistën e fundit, ku foli për ish-bashkëshorten Jennifer Garner dhe varësinë e tij nga alkooli. Por një burim për Page Six thotë se Jennifer Lopez është gjithashtu shumë e mërzitur nga këto deklarata. “Lopez është e zemëruar,” tha burimi. “Ajo po tërhiqet sepse është e lidhur me të. Nuk dëshiron të përfshhihet në këtë. Ajo është takuar me Jennifer Garner. Po përpiqet të njohë atë dhe fëmijët e Ben.”
Affleck dhe Garner ishin të martuar nga viti 2005 deri në vitin 2015 dhe kanë 3 fëmijë – Violet, 16 vjeçe, Seraphina, 12 vjeçe dhe Samuel, 9 vjeç. Ndërsa Lopez ka binjakët Max dhe Emme, 13 vjeç, me ish-bashkëshortin, këngëtarin Marc Anthony. Garner, Affleck dhe Lopez u mblodhën së bashku këtë Halloween me fëmijët e tyre. Affleck ka qenë në rehabilitim disa herë dhe ka qenë i hapur për betejat e tij me varësinë nga alkooli. Në vitin 2018, tre vjet pas përfundimit të martesës së tyre, Garner u fotografua duke e çuar atë në rehabilitim.
