Në zgjedhjet parlamentare të 25 prillit përveç identifikimit biometrik, deri 20% e zgjedhësve do të kenë mundësinë të votojnë në mënyrë elektronike. Komisioni Rregullator miratoi me 5 vota pro pilotimin e votimin dhe numërimit elektronik në paralmentaret e ardhshme.
Por se në cilat qendra votimit do të vendosen pasjisjet teknologjike kjo do të dakortësohet nga politika.
Komisioni Qendror i Zgjedhjeve ende nuk ka një shumë se sa do t’i kushtojë qeverisë blerja e pajisjes së teknologjisë në këtë zgjedhje që duhen akorduar brenda këtij viti.Për këtë arsye KQZ ju ka kërkuar 20 kompanive me eksperiencë ndërkombëtare për të sjellë ofertat e tyrë mbi kostot e përdorimit të sistemit dhe pajisjeve të identifikimit elektronik të zgjedhësve. Kompania INDRA në 2013 dështoi të implementojë pilotimin e pajisjeve elektronike në 2013, ndërsa SMARTMATIC pilotoi në Tiranë votimin elektronik në PS.
Për të shmangur një dështim apo për të gjitha anomalitë që mund të shfaqen për shkak të kompanisë që të prokurohet me procedurë të përshpejtuar, anëtarëja e Rregulaltorit Helga Vukaj kërkoi që të mbahet përgjegjësi nga ana e kontraktorit.
5 muaj para zgjedhjeve, KQZ po punon për të bërë të mundur votimin e emigrantëve, një kërkesë e dëshiruar nga socialistët.
Në rast se do të jetë e mundur KQZ do të duhet t’i garantojë emigrantëve të gjithë infrastrukturën e nevojshme për ta sjellë votën e tyre në Shqipëri brenda 25 prillit.
