Pas akuzave nga kameramani i masakrës së Krushës së Madhe, Milaim Bellanica se kasetën ia ka dorëzuar për Lulzim Bashës, i cili atëherë punonte në UNMIK të Kosovës. Kryeministri Rama vijon me kërkesë për përballje me akuzat të Bashës, i cili e ka mohuar një akuzë të tillë, mirëpo këtë herë Rama i drejtohet me një video të postuar në Facebook, ku shkruan:
STATUSI I PLOTE
Nuk jam unë që e akuzoj Lulëzim Bashën, po vetë heshtja e tij e gjatë, shmangia nga ballafaqimi me pretendimet e palëve të tjera, sharjet në vend të shpjegimeve dhe mosshpjegimet e tij, përballë fakteve dhe dëshmive nga organizata e individë krejt të besueshëm, e kanë kthyer Lulëzimin në një të akuzuar, që sa më shumë i bën bisht përballjes me akuzat, aq më i dyshimtë duket në sytë e publikut!
Në këtë mes unë kam vetëm një rol, atë që më takon: T’i kërkoj Lulëzim Bashës t’i sqarojë publikut se kush është ai në këtë mes dhe pse i’a kërkojnë atij dëshmitarët hesapin e nuk i’a kërkojnë dikujt tjetër?! Sepse Lulëzimi nuk është dokushdo dhe këtu nuk flitet as për jetën private, as për punën private, po për një çështje sa publike e me interes kombëtar, aq edhe karakteriale për drejtuesin e opozitës, i cili synon të bëhet i pari i shtëpisë sonë të përbashkët.
