Modelja Kate Moss pritet të thirret në tribunë këtë javë në gjyqin e shpifjes së Johnny Depp kundër Amber Heard.
Modelja do të dëshmojë përmes video-lidhjes të mërkurën në sallën e gjyqit Fairfax, Virxhinia, thanë disa burime për The Post.
Avokatët e Depp-it u panë të lumtur disa javë më parë kur Heard papritmas përmendi Moss-in gjatë dëshmisë së saj.Ekspertët ligjorë shpjeguan në atë kohë se përmendja e saj në tribunë mund t’i jepte ekipit të Depp mundësinë për të hedhur poshtë një thashethem se ai e shtyu supermodelen nga shkallët kur të dy kishin lidhje në vitet 1990.
“Ky është një gabim që bëri , ishte përmendja e Kate Moss, duke e sjellë atë si dëshmitare ” – dhe Moss “duke thënë “Kjo nuk ka ndodhur kurrë”, tha avokatja Mitra Ahouraian.
Një burim i afërt me Johnny tregoi për The Post në atë kohë: “Amber përmendi një ish të tij që në mënyrë të qartë mendonte se nuk e mbështeste atë, gjë që nuk mund të ishte më larg nga e vërteta”.
Kate ishte në një lidhje me Depp-in midis viteve 1994 dhe 1997 dhe, sipas burimeve, ka qenë gjithmonë mbështetëse e aktorit.
