TIRANË– Belind Këlliçi, deputeti i Partisë Demorkatike i ka bërë thirrje Gazment Bardhit që t’i bashkohet Kuvendit të Partisë Demokratike që po mbahet në Pallatin e Kongreseve. Në një prononcim për mediat, pak para nisjes së Kuvendit të PD-së, Këlliçi tha se e kanë dorën e shtrirë për bashkëpunim me çdo demokrat.
“Është Kuvendi më i bukur që është mbajtur ndonjëherë, jam i bindur që do të jetë një Kuvend i shkëlqyer. Është Kuvendi më transparent që ka mbajtur ndonjëherë Partia Demokratike, askujt përfshirë edhe mua, nuk i lejohet hyrja pa badge, për të bërë më pas edhe skanimin elektronik. Dora është e shtrirë për çdo demokrat. Nuk kam asnjë përgjigje, ftoj Gazment Bardhin dhe këdo tjetër që të na vijnë dhe të na bashkohen,”- tha Këlliçi.
