Tre ditë më parë u bë publik një rast diskriminimi mbi baza fetare ndaj një vajze në qytetin e Shkodrës. Elsa Llusha kishte aplikuar në kompaninë “Big Market” për pozicionin e punës si kontabiliste. Pasi u pranua, e njoftuan që për shkak të shamisë si besmitare myslimane i refuzohej vendi i punës.
Të paktën kjo u bë e ditur për publikun në fillim, por më pas duket së situata kishte qenë thjesht një keqkuptim ndërmjet punëmarrësit në qytetin e Shkodrës dhe Elsës, vajzës që do niste punë.
Imami Ahmed Kalaja ka qenë ndër të parët që ka reaguar në lidhje me këtë rast ku në një status të parë ka dënuar ashpër këtë ngjarje, dhe ka kërkuar menjëherë një reagim nga përfaqësuesit e “Big Market”, reagim ky që ka ardhur po atë ditë nga drejtuesit më të lartë të këtij biznesi, të cilët kanë shkuar të takojnë imamin duke i bërë të ditur gjithë situatën.
Në një dalje publike Imam Ahmed Kalaja ka treguar gjithë rrugëtimin e tij si ndërmjetës midis Elsës dhe “Big Market”.
Ai tregon se pas sqarimit nga ana e “Big Market”, ka fshirë statusin dhe të nesërmen ka shkuar të bëjë një ballafaqim të situatës mes Elsës dhe përfaqësuesve të biznesit.
Sipas Kalasë, takimi u zhvillua në Shkodër dhe ndërmjetësuesi që ishtë Imami Ahmed Kalaja ka dëgjuar edhe Elsën dhe konkudoi që gjithçka ka qenë një keqkuptim të cilin na e sqaron të gjithin tek kjo video:
