TIRANË– Gjykata e Posaçme e Apelit ka vendosur të lërë sërish në burg ish-ministrin e Mjedisit, Lefer Kokën. Seanca ndaj ish-ministrit nisi ditën e sotme në orën 10:45, pas kërkesës së tij për të përfituar një masë më të lehtë sigurie, me pretendimin se nuk ishte i rrezikshëm.
Në vendimin e dhënë, gjykata ka përpiluar se ish-ministri i cili akuzohet për veprën penale të korrupsionit, të pastrimit të parave dhe shfrytëzimit të postit publik, do qëndrojë në burg të paktën deri në përfundimin e plotë të hetimeve që janë ndërmarrë ndaj tij.
GJKKO caktoi në datën 16 dhjetor masën e sigurisë “arrest me burg” dhe aktualisht ai po mbahet në paraburgimin e 313. Ish-ministri i Mjedisit Lefter Koka është fotografuar para disa ditësh në ambientet e qelive të paraburgimit brenda ambienteve të ‘313’, në ambientet e ajrimit.
Ish-ministri i Mjedisit, Lefter Koka është lënë në masën “arrest me burg” nga Gjykata e Posaçme Kundër Korrupsionit dhe Krimit të Organizuar (GJKKO). Ai akuzohet për shpërdorim detyre dhe korrupsion. Në sallën e gjyqit Koka ka hedhur poshtë akuzat, por pa dhënë shumë shpjegime. Avokati i ish-ministrit të Mjedisit Lefter Koka, Fatmir Braka e ka konsideruar politik kallëzimin e nisjen e procesit ndaj të të akuzuarit. Përpara mediave, pas vendimit të GJKKO-së, Braka tha se Koka nuk ka asnjë përgjegjësi si ish-ministër për veprat penale për të cilat akuzohet.
