Deputeti i opozitës parlamentare, Ralf Gjoni në një deklaratë për shtyp jashtë Kuvendit ka sqaruar kërkesën e tij për interpelancë me Ramën, ndërkohë sot kryeministri ndodhet në Dubai.
Gjoni thotë se qeveria po fsheh të vërtetën dhe s’ka as plan për pandeminë. Ai gjithashtu parashikon një mbyllje eventuale të vendit pasi shifrat do të vijojnë në rritje edhe përgjatë dhjetorit e janarit.
“Qeveria po fsheh të vërtetën për mënyrën si po menaxhohet situata me pandeminë. Rama i bën bisht përballjes në Kuvend. Të ketë minimumin e dinjitetit. Mungesë totale të protokollit të trajtimit të qytetarëve me COVID-19. Kemi mjekë familje që po bombardojnë pacientët me antibiotik dhe kortikonik. Asnjë masë s’po merret. Mjekët që kryejnë vepra penale duke rënduar shëndetin e qytetarëve. Shpërfillje e tallje.
Do kërkoj çdo javë që Rama të vijë në parlament. Jemi i vetmi vend që hyn në faqen e kryeministrisë e shëndetësisë dhe s’ke informacion ëpr COVID-19. S’ka transparencë, plan, masa.
Po përballemi dhe do të kemi një mbyllje eventuale, pasi s’kemi çbëjmë tjetër. Rastet do të rriten në dhjetor e janar. Kjo tregon që qeveria s’po merr masat e duhura për t’u mbrojtur nga pandemia.’- u shpreh Gjoni.
