Kina dha lejen për hyrjen e ekspertëve të OBSH-së për të nisur hetimin mbi origjinën e koronavirusit.
Një ekip i Organizatës Botërore të Shëndetësisë me ekspertë ndërkombëtarë i ngarkuar me hetimin e origjinës së pandemisë Covid-19 do të mbërrijë në Kinë në 14 Janar, ka thënë autoriteti kombëtar shëndetësor i Kinës. Ekipi fillimisht synonte të hynte në Kinë në fillim të Janarit, por Kina bllokoi ardhjen e tyre, duke thënë se vizat nuk ishin miratuar ende, edhe pse disa anëtarë të grupit ishin rrugës sipas The Guardian.
Ministria e jashtme e Kinës e quajti vonesën një keqkuptim. Në atë kohë, drejtori i përgjithshëm i OBSH-së, Tedros Adhanom Ghebreyesus, shprehu shqetësimin e tij dhe tha se ai i kishte bërë thirrje Kinës që të lejojë ekipin e ekspertëve të hyjnë në vend. Nuk ishte menjëherë e qartë nëse ekipi do të udhëtonte në qytetin qendror kinez të Wuhan, ku virusi koronavirus u zbulua për herë të parë në fund të vitit 2019. Një numër vendesh, përfshirë Australinë, kanë bërë thirrje për një hetim mbi origjinën e virusit
“Po unë kam qenë në kontakt me zyrtarë të lartë kinezë. Dhe edhe një herë e kam bërë të qartë se misioni është një përparësi për OBSH dhe ekipin ndërkombëtar. OBSH është përpjekur të dërgojë në ekipin e ekspertëve globalë nga një numër vendesh për muaj me radhë. Ajo ka biseduar me zyrtarë kinezë që nga Korriku. Shkencëtarët duan të përcaktojnë se si virusi kapërceu nga speciet te njerëzit.’’– tha Tedros Adhanom Ghebreyesus.
