Autoritetet kineze kanë ndaluar transmetimin e BBC World News në vend, një hap që qeveria e Mbretërisë së Bashkuar paralajmëroi se “do të dëmtonte reputacionin e Kinës në sytë e botës”.
Pekini ka dënuar raportet e fundit të BBC mbi pandeminë Covid-19 në vend dhe mbi pretendimet e punës së detyruar dhe abuzimit seksual në rajonin Xinjiang, shtëpia e myslimanëve Ujgurë (Uighur).
Ndalimi vjen një javë pasi vëzhguesi britanik i mediave Ofcom tërhoqi licensën për Rrjetin Global Televiziv të Kinës (CGTN), kanalin e lajmeve satelitore të vendit në gjuhën angleze.
Rregullatori përmendi lidhjet midis politikës editoriale të rrjetit dhe Partisë Komuniste në pushtet të Kinës. Organet politike janë të ndaluara nga ligji i Mbretërisë së Bashkuar për të kontrolluar mbajtësit e licensave.
Ministria e jashtme kineze kishte sinjalizuar se mund të hakmerret, me një zëdhënës që tha të nesërmen se Ofcom kishte vepruar mbi “baza politike bazuar në paragjykim ideologjik”.
Tani, Administrata Kombëtare e Radios dhe Televizionit të Pekinit thotë se mbulimi i BBC World News i Kinës ka “shkelur seriozisht” kërkesat që raportimi i lajmeve të jetë i vërtetë dhe i paanshëm dhe se ka zhvlerësuar interesat kombëtare dhe solidaritetin etnik të Kinës.
BBC përgjithësisht mund të shikohet në Kinë vetëm në disa hotele, biznese dhe ndërtesa banimi për të huajt.
Dy gazetarë të Reuters në Kinë thanë se kanali nuk shfaqte më asgjë në ekranet e tyre.
Dominic Raab, sekretari i jashtëm, e quajti lëvizjen “një kufizim të papranueshëm të lirisë së medias”.
“Kina ka disa nga kufizimet më të rënda mbi mediat dhe liritë e internetit në të gjithë globin, dhe ky hap i fundit vetëm sa do dëmtojë reputacionin e Kinës në sytë e botës”, shkroi ai në Twitter.
Administrata e transmetimit të Pekinit shtoi se BBC nuk do transmetohet për të paktën një vit.
BBC tha se ishte i zhgënjyer nga vendimi i Kinës dhe se ajo raporton nga e gjithë bota në mënyrë të drejtë dhe të paanshme.https://platform.twitter.com/embed/Tweet.html?dnt=false&embedId=twitter-widget-0&frame=false&hideCard=false&hideThread=false&id=1359929545281970181&lang=en&origin=https%3A%2F%2Fwww.anabelmagazine.com%2Fnews%2F55445%2Fkina-ndalon-transmetimin-e-bbc-reputacioni-i-kines-ne-bote-do-demtohet&theme=light&widgetsVersion=889aa01%3A1612811843556&width=550px
Humbja e licensës të transmetimit britanik ishte një pengesë e madhe për CGTN, duke qenë se një nga synimet e saj ishte të përmirësonte imazhin e Kinës jashtë vendit.
