KPK ka shkarkuar nga detyra gjyqtarin e Gjykatës së Posatshme Bib Ndreca, i cili ka qenë pjesë e gjykimit të dosjes së famshme 339. KPK ka shpallur vendimin thuajse një vit pas seancës së parë dëgjimore që u mbajt në 26 shkurt 2020.
Gjyqtari Bib Ndreca ka mbaruar Shkollën e Magjistraturës në vitin 2009 dhe është emëruar gjyqtar në Gjykatën e Tropojës. Në vitin 2013, Ndreca është emëruar kryetar i Gjykatës së Pukës, ndërsa në vitin 2015 është dekretuar si anëtar i Gjykatës së Shkallës së Parë për Krime të Rënda.
Ndreca ishte aktualisht gjyqtar i përkohshëm në Gjykatën e Posaçme kundër Korrupsionit dhe Krimit të Organizuar. Për një emërim të përhershëm, atij i duhej të kalonte me sukses procesin e vetingut.
Ndërkohë KPK ka konfirmuar në detyrë, gjyqtaren Elona Mihali.
