ITALI – Trajneri portugez i Romës, Jose Mourinho, ka arritur finalen e tij e tetë europiane, pasi mposhti Leicesterin në gjysmëfinale të garës së tretë të madhe kontinentale (1-0, totali 2-1) falë golit të vetëm të Tammy Abraham.
Tirana do të presë finalen e Conference League, e cila do të jetë finalja e tetë evropiane për trajnerit portugez, pas dy finaleve të Champions League, me Porton dhe Interin; dy nga Europa League, me Porton dhe Manchester United; dhe tre Superkupa Europiane, të gjitha të humbura. Rivali i tij do të jetë skuadra holandeze e Feyenoord, “xhelati” i Marsejës.
Sipas parashikimeve të “Betfair”, Roma është favorit i qartë për të fituar titullin, duke u kuotuar me 1.57. Ndërsa kuota për Feyenoord-it është 2.38, shumë larg probabilitetit të italianëve.
Mourinho mban rekordin e të qenit trajneri me më shumë gjysmëfinale në histori dhe i pari që ka arritur në finalet e Champions League, Europa League dhe Conference League. Ai gjithashtu mund të bëhet trajneri i parë në histori që e ka ngritur këtë trofe.
Pas eliminimit të Atalantës kundër Leipzig në Europa League, Roma është e vetmja skuadër italiane me shanse për të fituar një titull evropian, diçka që nuk ka ndodhur që nga viti 2010, kur Interi fitoi Champions League në vitin e trefishit të tij historik, pikërisht me Mourinhon të ulur në stol.
Vepra e Mourinhos vjen për të prishur imazhin e klubit të tij në kontinentin e vjetër. Roma vjen në një finale kontinentale 31 vjet pasi humbi me Interin në finalen e Kupës UEFA që u luajt në 1991.
