Vlorë- Janë arrestuar 5 persona për vepra penale të ndryshme.
Në Komisariatin e Policisë së Sarandës janë kryer kontrolle të njëpasnjëshme nga policia. Ku konkretisht janë shoqëruar në polici disa persona, si dhe janë sekuestruar sasi e konsiderueshme e lëndëve narkotike.
Janë arrestuar në flagrancë 5 persona me inicialet S. J., 25 vjeç, banues në Sarandë dhe K. H., 32 vjeç, banues në Finiq, Delvinë në automjetin e markës “BMW”, me drejtues shtetasin S. J. dhe pasagjer shtetasin K. H., shërbimet e Policisë kanë gjetur rreth 2 kg sasi lënde të dyshuar narkotike cannabis sativa.
Njoftimi i policisë
Arrestohen 5 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Sarandë, kanë arrestuar në flagrancë, për veprën penale “Prodhimi dhe shtija e narkotikëve”, shtetasit S. J., 25 vjeç, banues në Sarandë dhe K. H., 32 vjeç, banues në Finiq, Delvinë, pasi gjatë kontrollit të ushtruar në automjetin e markës “BMW”, me drejtues shtetasin S. J. dhe pasagjer shtetasin K. H., shërbimet e Policisë kanë gjetur rreth 2 kg sasi lënde të dyshuar narkotike cannabis sativa.
Specialistët për Hetimin e Krimeve në Komisariatin e Policisë Sarandë kanë arrestuar në flagrancë, për veprën penale “Plagosja e rëndë me dashje”, shtetasin L. H., 28 vjeç, banues në Elbasan, pasi ditën e djeshme, në lagjen nr. 4, Sarandë, pas një konflikti të çastit për motive të dobëta, ka goditur me mjet prerës shtetasin A. P., 33 vjeç, banues në Mirditë, i cili ndodhet në spital, jashtë rrezikut për jetën.
Specialistët për Hetimin e Krimeve në Komisariatin e Policisë Vlorë, kanë ndaluar shtetasin R. Z., 27 vjeç, banues në Vlorë, për veprën penale “Shkatërrim i pronës me zjarr”, pasi më datë 06.11.2020, në lagjen “Hajro Çakërri”, Vlorë, dyshohet se ka djegur gomat e një automjeti.
Gjithashtu, u bë ndalimi i shtetasit S. R., 31 vjeç, banues në Vlorë, për veprën penale “Dhuna në familje”, pasi ka ushtruar dhunë fizike ndaj bashkëshortes së tij, në prani të fëmijëve, në banesën e tyre.
Materialet iu referuan Prokurorisë, për veprime të mëtejshme.
