Sot pritet që të rinisin të gjithë fluturimet në aeroportin e Rinasit, pasi në kullën e vrojtimit qëndrojnë kontrollorë të trafikut ajror nga Turqia.
Ekspertët e fushës kanë treguar më shumë rreth aftësisë së përshtatjes së kontrollorëve turq në kullën shqiptare, dhe përgjigjet nuk ishin optimiste.
Burime nga Rinasi kanë bërë me dije se të dërguarit nga Turqia janë zgjuar që në 6 të mëngjesit ditën e enjte dhe janë dërguar në “punë” pa i dhënë informacion lidhur me aktivitetin e tyre. Ndërkohë që kanë mbërritur në Shqipëri, kontrollorët turq duket se ende nuk janë “familjarizuar” me Shqipërinë. Po të njëjtat burime bënë me dije se avionin me vaksinat ditën e djeshme e ka zbritur shefi i kullës, ndryshe nga cfare propagandoi qeveria, kryeministri dhe ministrja përgjegjëse.
Ditën e parë gjatë pushimit të punonjësve të trafikut ajror dhe shpalljes nga të gjithë kontrollorët e tjerë të paaftësië së tyre për të punuar , shefi I Kullës ka qëndruar në turn për 18 orë, gjë reptësisht e ndaluar nga manuali i operimit të kontrollorit të trafikur ajror, pasi maksimumi i punës së tyre është vetëm 4 orë në ditë.
Por mesa duket e njëjta gjë do të ndodhë edhe në vazhdim, pasi kontrollorët turq nuk dinë ende sesi funksionojnë aparaturat pasi të tyret janë të ndryshme nga ato që ndodhen në Rinas.
E thënë thjesht para se të zëvëndësojnë ndonjë prej kontrollorëve, turqit duhet që të bëjnë “on job training” për të mësuar procerdurat dhe për t’u njohur me terrenin e Shqipërisë trajnim ky që zgjat 1 vit e gjysmë, ndryshe nuk operojnë dot.
Trajnimi i kontrollorëve bëhet në çdo vend të botës për të marrë, por për të marrë licensën përfundimtare, çdo kontrollor duhet të bëjë trajnimin “on job training” në vendin ku do operojë dhe të flasë patjetër gjuhën e vendit.
A dinë vallë kontrollorët turq, shqip?
Kjo pasi në çdo rast problemi duhet që të raportohet në shqip dhe në kohë reale, pasi nuk ka kohë për vonesa. Por këto detaje teknike duket se janë anashkaluar nga qeveria dhe nga Aviacioni Civil vetëm për të mos plotësuar kërkesat e kontrollorëve që kanë dalë në grevë për pagat e tyre. Edhe pse ata janë të pazëvëndësueshëm, sërish nga qeveria nuk ka vullnet për të zgjidhur problemin, por vetëm për përçarje dhe shantazh me një mesazh: Zëvendësoheni me një telefonatë. Mirëpo faktet po tregojnë të kundërtën.
I gjithë bllokimi ndodhi ditën e mërkurë në orët e para të mëngjesit, kur kontrollorët e trafikut ajror vendosën të bënin një grevë duke lënë kështu vendin e punës bosh
Pasi shteti nuk I mori per baze kerkesat e tyre.
