Itali- Varianti i ri i koronavirusit mbërrin edhe në Itali! Ministria italiane e shëndetësisë ka raportuar se kanë gjetur një pacient të infektuar me të njëjtin lloj mutacioni të koronavirusit si në Mbretërinë e Bashkuar.
Pak ditë më parë, Sekretari britanik i Shëndetësisë, Matt Hancock, u shpreh se është gjetur një variant i ri i koronavirusit, që po rritet më shpejt në disa pjesë të Anglisë. Ai tha se së paku 60 autoritete të ndryshme lokale kanë regjistruar infeksione me koronavirus, të shkaktuar nga varianti i ri.
Pacienti i infektuar u kthye ditët e fundit në Itali nga Mbretëria e Bashkuar me partnerin, kur zbritën në aeroportin Fiumiciano të Romës. Ka deklaruar se raste me llojin e ri të koronavirusit që u zbulua në Mbretërinë e Bashkuar, janë identifikuar edhe në Danimarkë, Holandë dhe në Australi.
